Helvezia-Strizzi
© Werbe- & Drucksachenberatung Basel/wdb.basel(at)bluewin.ch
Liebi Mitgliider, Gönner, Frinde vo de Helvezia Strizzi  Sitem Meerze 2020 isch vyyl nimme meeglig. Kai Fasnacht, kai Grillfescht, kai Gartenfescht, kai Bundesfyyr am Ryy und me kenne Lyschte wyterfiere und au d’Fasnacht 2021 isch uusgfalle. Kaini Yynaame aber Uusgoobe fir Versicherig, Laagermieti und au dr Unterstand firs Waagematerial bim Werni belaschtet unseri Kasse. Vo dr Stadt oder vom Fasnachts-Comité kunnt ebefalls kai Hilf usser         e klaine Bytraag vom Blagetteverkauf. Dä isch das Joor au glainer gsi wie    i de vergangene Joor. Wie lang de Lockdown no goht wysse mer nit.       Sich eergere hilft do aber nit, mir mien fiirsi luege. Doorum wände mir uns jetzt an Eich, mit dr Bitt um Understitzig fir unseri Kasse. Zämme sin mir staargg und nur zämme kenne mir                  d‘ Zukunft vo dr Helvezia Strizzi sicherstelle, so dass mir is au noch dr Corona Zyt dräffe und s’Cliquelääbe pflääge kenne. Alli Spände uff PC 40-28653-2 IBAN CH12 0900 0000 4002 8653 2 mit em Vermergg «Spende» sind willkomme.  E jede Batze zellt! Mir hoffe fescht, dass sich Situation bald besseret und mer vilicht bis im Summer wider Normalität hän. Zyyl isch d’Fasnacht 2022. Liebi Griess und blyybe gsund Dr Strizzi-Vorstand